Елордада бастауыш сынып оқушылары қашықтан оқиды
Бүгін Астанада ауа райына байланысты бастауыш сынып оқушылары қашықтан оқиды. Бұл туралы Астана қаласының әкімдігі мәлім етті, деп хабарлайды Egemen.kz. Әкімдіктің мәліметінше, бүгін бірінші ауысымдағы бастауыш сынып оқушылары онлайн оқиды.
«11 желтоқсан күні ауа райының қолайсыздығына байланысты бірінші ауысымның 0-4 сынып оқушылары қашықтан оқыту форматына ауыстырылады», делінген хабарламада.
Айта кетейік, кеше еліміздің екі өңірінде оқушылар аязға байланысты онлайн оқуға ауыстырылған еді.
