«Өсімдіктер карантині туралы» Заң талаптарының орындалуына сәйкес барлық сырттан әкелінетін өнімдер (жеміс-көкөніс, бақша, ұн, екпе көшеттер, ағаш материалдары т.б) міндетті түрде карантиндік тексеруден өтіп, карантиндік өнімнің жәй-күйін білдіретін «Фитосанитарлық сертификаты» болған жағдайда ғана жүкті белгіленген орнында қолдануға рұқсат беріледі. Осыған байланысты сырттан өнімдер тасымалдайтын кәсіпкерлер, жеке және заңды тұлғалар жеміс-көкөніс, бақша, ұн, картоп, екпе көшеттерін және ағаш материалдарын тасымалдау кезінде аса сақ болып, тек қана тексерілген фитосанитарлық сертификаты бар өнімдерді тасымалдауы қажет.

        Фитосанитариялық сертификат дегеніміз- карантинге жатқызылған экспорттық өнімнің карантиндік жәй-күйін куәландыратын құжат. Өсiмдiктер карантинiнiң негiзгi мiндеттерінің бірі Қазақстан Республикасының аумағын басқа мемлекеттерден немесе карантиндi аймақтан карантиндi объектiлердiң әкелiнуiнен немесе өз бетiмен енуiнен қорғау болып табылады. ҚР-ның "Өсімдіктер карантині туралы" Заңының 13-бап, 2-1 тармағы, 5-тармақшасында "Қазақстан Республикасының аумағына әкелiнетiн карантинге жатқызылған өнiм, тасымалданатын көлiк өсiмдiктер карантинi саласындағы мемлекеттік қадағалауға және қажет болғанда фитосанитариялық қадағалау бекеттерінде карантиндiк тексеруге, сондай-ақ тиiстi актiлер ресiмделе отырып, карантинге жатқызылған өнім баратын жерде карантиндiк тексеруге жатады"-делінген.Карантинге жатқызылған өнімді Қазақстан Республикасынан тыс жерлерге әкетуге фитосанитариялық сертификат алу үшін жеке немесе заңды тұлғалар өтінімдерді жіберу уақыты сағат 9:00-17:30 аралығында түскі үзіліс 13:00-14:30-ды қоса 18:30-ға дейін  және мемлекеттік қызметті көрсету нәтижесін беру «электрондық үкіметтің» www.egov.kz www.elicense.kz веб-порталы және халыққа қызмет көрсету орталығы арқылы жүзеге асырылады. Осыған орай карантиндік зиянкестерді, ауруларды және карантиндік арамшөптерді тұқымдарын таратпау немесе сырттан әкелмеу барлық азаматтардың негізгі міндеті.