ТҮРКІСТАН ҚАЛАСЫНДАҒЫ КӨРІКТІ ЖЕРЛЕРГЕ АУДАННЫҢ ЭТНОС ӨКІЛДЕРІНІҢ САЯХАТЫ ҰЙЫМДАСТЫРЫЛДЫ
2025 жылғы 10 қыркүйек күні Шиелі ауданы әкімдігінің қолдауымен аудандық қоғамдық даму бөлімінің тапсырысы шеңберінде Қызылорда облысының «Қазалы-Жомарт» қоғамдық бірлестігімен «Қоғамдық келісім» Шиелі ауданы бойынша этносаралық қатынастар жөніндегі сарапшының ұйымдастыруымен «Тарихымды танып білгім келеді» атты Түркістан қаласындағы көрікті жерлерге ауданның этнос өкілдерінің саяхаты ұйымдастырылды.Саяхат барысында этнос өкілдері киелі шахар Түркістан қаласындағы Қожа Ахмет Яссауи кесенесіне зиярат жасап, құран бағыштады. Одан соң «Керуен сарай» көпфункционалды туристік кешені т.б тарихи орындарды тамашалады.
