Оны аудан әкімінің орынбасары Алмасбек Есмаханов ашып, Мемлекет басшысы Н.Назарбаевтың 2018 жылғы 10 қаңтар күні Қазақстан халқына жария еткен «Төртінші өнеркәсіптік революция жағдайындағы дамудың жаңа мүмкіндіктері» атты Жолдауы бойынша түсіндірме жұмыстарын жүргізді. Сондай-ақ, ауданда атқарылып жатқан жұмыстар легін баяндап, болашақта атқарылатын жұмыстарға шолу жасады. Сонымен қатар, этнос өкілдерін ауданның қоғамдық өміріне белсене араласуға шақырды. Кездесу барысында қатысушылар белсенділік танытып өз ой-пікірлерін, ұсыныстарын айтты. «Ұлт бірлігі» этнобағытталған қоғамдық бірлестігінің алдағы жұмыстары жайлы сөз қозғалып, бірлестік төрайымын қайта сайлау жөнінде пікір білдірілді.


«Өскен өңір» ақпарат.