Жалпы құны 1 500 000 теңгені құрайтын бұл көмек әрбір баланың жаңа оқу жылын тиімді әрі қызықты бастауына зор мүмкіндік берді. Әр оқушыға 15 000 теңгелік «Abdi» кеңсе тауарлары дүкенінің сертификаты табыс етілді. Бұл сертификаттар жаңа оқу жылында қажетті құрал-жабдықтарды алу үшін таптырмас көмек болмақ. Қаламсап пен дәптер, түрлі оқу құралы мен шығармашылыққа арналған материалдар – бәрі де баланың білім жолындағы алғашқы серіктері.

Компания басшылығының бұл бастамасы әлеуметтік жауапкершіліктің нақты көрінісі болып табылады. Осындай қолдаулар ауылдық жерлердегі білім сапасын арттыруға, мектептердің материалдық базасын нығайтуға, балалардың болашаққа деген сенімін күшейтуге мүмкіндік береді.