"Кітап – AMANAT" партиялық жобасы «Бір айда – бір кітап» акциясы аясында «Көкшоқы» бастауыш партия ұйымының ұйымдастыруымен "Сыр Ұланы" балалар тынығу лагерінде тәуелсіздік жолында күрескен алаш азаматы, қоғам қайраткері Мұстафа Шоқайдың 135 жылдығына орай «Әлем таныған тұлға – Мұстафа Шоқай» атты библиографиялық шолу өтті. Шара барысында Алаш көсемдерінің бірі, қазақтың аяулы тұлғасы Мұстафа Шоқай туралы қызықты мәліметтер айтылып, оның өміріне қысқаша шолу жасалды. Оқушыларға оның еңбектері мен әдебиеттері ұсынылды. Мақсаты – оқушыларға Алаштың арысы, әлем таныған үлкен тұлға Мұстафа Шоқайдың өмірі, қызметі және еңбектерімен таныстыра отырып, ұлттық тұлға жайлы білімдерін жетілдіру.