"КІТАП - AMANAT" ПАРТИЯЛЫҚ ЖОБАСЫ АЯСЫНДА КЕЗДЕСУ ӨТТІ
"AMANAT" партиясы Шиелі аудандық филиалы «Көкшоқы» бастауыш партия ұйымы мемлекет және қоғам қайраткері, қаламгер Алтыншаш Жағановамен кездесу кеші өтті. Ортаға кең көлемді "Әйел әлемі" атты кітап көрмесі ұйымдастырылып, кітапхананың тыныс-тіршілігімен таныс болды.– Мен үшін кітапхана деген қасиетті жер. Әдебиетті бала күнімнен ерекше ықыласпен оқыдым. Ауылда үлкен кітапхана болатын. Қолым қалт етсе, сонда барып әлем классиктерінің шығармаларын парақтайтынмын. Соларға еліктеп, өлең, әңгімелер жаза бастадым. Себебі, кітапхананы да, онда еңбек етіп жүрген әрбір жанды, партия мүшесін құрмет тұтамын, - деп ыстық лебізін білдірді А.Жағанова.
