Елімізде балық шаруашылығы тұрақты дамып келеді. Былтырғы жылдың қорытындысына сәйкес, балық өнімдері нарығының көлемі 94,6 тоннаны құраған, деп жазады Egemen.kz. Бұл көрсеткіш 2023 жылмен салыстырғанда 7%-ға артқандығын көрсетеді. Оның ішінде  45,2 мың тоннасы табиғи су айдындарынан ауланған балыққа, ал 18,2 мың тоннасы балық өсіру шаруашылықтарында өндірілген өнімге тиесілі. Балық өнімдерінің экспорты 23,4 мың тоннаны құрайды. Қазақстанда өндірілетін  50-ден астам атаулы балық өнімі дүниежүзінің 21 еліне экспортталады. 72 кәсіпорын балықты қайта өңдеумен айналысса, соның 20 кәсіпорыны өз өнімін Еуропалық одақ елдеріне жібереді.

Балық популяциясын қалпына келтіру үшін отандық кәсіпорындарда түрлі жұмыстар жүзеге асырылады. Соның ішінде табиғи су айдындарына жыл сайын шабақ  жіберу процесі қарастырылған.  Былтырғы жылы мемлекеттік тапсырыс бойынша су айдындарына 54 млн дана бағалы балық түрлерінің шабағы жіберілген.