Мерекелік шарада облыс әкімі аймақтағы еңбегімен еленген нағыз Еңбек адамдарын қабылдап, ізгі тілектерін жеткізді, әрі арнайы алғыс хаттармен, ақшалай сыйлықтар және жолдамамен марапатттады.

Салтанатты шараға жерлесіміз Шиелі аудандық орталық ауруханасының санитарлық автокөлік жүргізушісі Шаймаханов Сейтжан Әбжанұлы шақыртылып, облыс әкімінің Алғыс хатымен және ақшалай сыйлық сертификатымен марапатталды.

Шаймаханов Сейтжан Әбжанұлы 1963 жылы 02 қаңтарда Қызылорда облысы, Шиелі ауданы, Бәйгеқұм ауылында дүниеге келген. 1985 жылдан бастап бүгінгі күнге дейін Шиелі аудандық орталық ауруханасында қызмет атқарып келеді.