Кездесуде атом электр станциясының құрылысы және оның ел экономикасы мен экологиясына тигізетін ықпалы туралы қатысушылармен пікір алмасты.

Жиында АЭС құрылысы еліміздің энергетикалық тәуелсіздігін нығайтуға және экологиялық таза энергиямен қамтамасыз етуге қалай әсер ететіні кеңінен талқыланды.

Республикалық штабтың басты мақсаты – АЭС құрылысының қаншалықты маңызды екенін түсіндіру, тұрғындар арасындағы үрей мен күмәнді сейілту. Бүгінде энергетикалық тәуелсіздік – еліміз үшін ең күрделі мәселелердің бірі.

«АЭС құрылысы – бұл Қазақстанның алдағы ұзақ жылдардағы табысты дамуының кепілі болатын серпінді жоба. Еліміздегі және әлемдегі барлық озық ойлы тұлғалар атом энергетикасын пайдаланудың тиімділігін жақсы түсінеді. Бұл –ең алдымен, қауіпсіз, сенімді, экоглогиялық таза жоба, сонымен қатар жкономикалық тиімді» - деп атап өтті Халықтық штаб мүшесі Мұрат Әбенов.

«Осы күні мемлекетіміз электр қуаты тапшылығын сезініп, оны көршілес елдерден импорттауға мәжбүр болып отыр. Инвестициялық жобалар тоқтап тұр. Себебі жарияланған жобалар бойынша тапшылық көлемі 8ГВт құрайды. Яғни, бұл проблема ертерек шешілуі керек еді. Әлі де кеш емес. Бұл дер кезінде қабылданған шешім», – деді штаб мүшесі Балжан Шәменова.

Пікір алмасу барысында қатысушылар көкейлерінде жүрген ұсыныс-пікірлерін айтып, қолдайтындарын жеткізді.