Халықтық штаб мүшелерінің айтуынша, АЭС - жастардың болашағы үшін маңызды әрі әлеуетті жоба. Елде атом электр станциясы бой көтерсе, онда жаңа жұмыс орны ашылып, экологияға зиянсыз энергия қуатына қолжеткізеді.

- Атом электр станциясының құрылысы Қазақстан экономикасы үшін жаңа мүмкіндіктер ашады. Нақтыласақ, энергетикалық және өнеркәсіптік өндірісті дамытуға ықпал етеді, заманауи технологияларды енгізіп, қоршаған ортаға зиянды заттардың шығарындыларын азайту арқылы экологиялық жүктемені азайтады. Айта кетейік, атом электр стансасы 60 жылдан астам уақыт бойы тұрақты энергиямен қамтамасыз етеді, - дейді штаб мүшесі Д.Аман.