«19-дың орнына 40 бала». Түркістан облысында тасымал талабын бұзған балабақшалар анықталды
Түркістан қаласының прокуратурасы полициямен бірлесіп балалардың құқықтарын қорғау және оларды қауіпсіз тасымалдау бағытында рейд өткізді, деп жазады Egemen.kz.16 мамырда өткізілген рейд барысында аймақтағы 2 жекеменшік балабақша тәрбиеленушілерді тасымалдау талабын орындамағаны анықталды.
Олар рұқсат етілген 19 жолаушы нормасының орнына бір уақытта 40 баланы тасымалдап, талапты екі есе бұзған.
Өзге де осы мазмұндағы бұзушылықтар анықталып, жүргізушілер әкімшілік жауапкершілікке тартылды. Ал көліктер арнайы тұраққа қойылды.
Түркістан қаласының прокуратурасы бұл бағыттағы жұмыстар жалғасатынын хабарлады.
