ЕЛГЕ АМАНАТ
Шиелі аудандық Бұдабай Қабылұлы атындағы мәдениет үйінде Нариман Мизамбаевтың ұйымдастыруымен Шиелі өңірінің кітапқа енген әндер мен күйлерді аудан жұртшылығына насихаттау барысында Шиелі ауданының өнер мектебі мен орта білім беру мектептердің әуез пәнінің ұстаздары және оқушыларының қатысуымен өнер фестивалі өтті.Фестивалді Шиелі ауданының ардагерлер кеңесінің төрағасы, сазгер, ақын Өркен Исмаилұлы және Шиелі аудандық білім қызметкерлері кәсіподағының төрайымы Гүлбану Рантайқызы ашып берді.
Сонымен қатар, өнер фестивалінде өнерпаздар “Елге аманат” кітабына енген Нартай Бекежанов, Иманжүсіп Құтпанұлы, Есенбек Басалқаұлы, Мұхаммеджан Рүстемов, Тәліп Райымбеков, Қошқарбек Тасбергенов, Өркен Исмаил, Күлсін Тұрғанбекова, Бидалы Бекжігіт, Батырхан Маханов, Нариман Мизамбаевтардың әндері мен күйлері тыңдарманға ұсынылды.
Өнер фестиваліне қатысушылар Шиелі ауданы бойынша білім бөлімінің алғыс хатымен марапатталды.
