АРА ӨСІРУДІҢ ҚЫР-СЫРЫМЕН ТАНЫСТЫ
Омарташы өмірі, кәсібінің қыр-сыры кімге болса да қызық. Талантты жазушы Оралхан Бөкейдің «Атау-кере» шығармасында омарташының өмірі кеінен суреттеледі. «Нұр Отан» партиясы Шиелі аудандық филиалына қарасты «Жас Отан» Жастар қанаты және Қызылорда обылысының кәсіпкерлер палатасының Шиелі ауданындағы филиалының ұйытқы болуымен жасотандықтар белгілі кәсіпкер, омарташы Кемелов Бақтиярдың шаруа қожалығының жұмысымен танысты.
Шара барысында жасотандықтар бал ара өсірудің нағыз табыс көзі екенін білді. Бұдан бөлек, омарташыдан бал арасын өсірудің қыр-сырымен қаперге түйіп, осы іспен айналысуға деген қызығушылықтарын артыра түсті.
Кәсіпкерлік – белгілі бір істі істей білу. Іс істеу – адамның белсенділігі және іскерлігі. Ал белсенділік және іскерлік – адамның еркін өмір сүру түрі.
