Аудан көшелерінің тазалығын сақтауға, экологиялық мәдениетті қалыптастыруда маңызы зор. Осы ретте, Шиелі ауданы әкімдігінің ұйымдастыруымен жалпықалалықтық сенбілік ұйымдастырылды.
Мақсаты – ауданның көркіне көрік қосу, тазалық пен экологиялық жағдайды жақсарту болып табылады. Санитарлық тазалау жұмыстарына 9 техника жұмылдырылды. Атап айтқанда 2 газель, 2 трактор, 2 ауыр жүк көлігі, 2 қоқыс жинайтын көлік, 1 зил жүк автокөліктері кент орталығындағы біршама орындардан шыққан қоқыс, қатты қалдық, шабылған шөптің үйінділерін тазалауға атсалысты. Нәтижесінде, шамамен 76 тонна қоқыс қалдықтары арнайы полигонға жеткізілді.