ҚР экология, геология және табиғи ресурстар министрлігінің бас­тамасымен қоршаған ортаның ластануын болдырмау, өлкеміздің табиғатын сақтау және экологиялық мәдениетті қалыптастыру мақсатында ұйымдастырылған «Birge – taza Qazaqstan» акциясы аясында ауданда санитарлық тазалық жұмыстары жүргізілді.
Кент және барлық ауылдық округтерде жүргізілген қызу тірлікке тұрғындар мен мекеме қызметкерлері, ерікті жастар мен жеке кәсіпкерлер бір кісідей атсалысты. Нәтижесінде ауылдарға кіре беріс аймақтар, әлеуметтік нысандардың айналасы мен орталық көшелердің бойы қоқыс қалдықтарынан тазартылды. Осылайша әрбір ұжым өздеріне бөлінген аумақтарды тазалап ортақ үйіміздің көркеюіне өз үлестерін қосты.

«Акцияға қатысып ауданымыздың көркеюіне атсалысқан барша азаматтарға алғыс білдіреміз.Алдағы уақытта да қоршаған ортамызды күтіп ұстау, тазалау жұмыстары жалғасын табатын болады» дейді аудан әкімдігінің баспасөз қызметі.