Құқықбұзушылықтарды ескерту және теміржолда жүру ережелерін, қоғамдық орындарда тиісті қоғамдық тәртіпті сақтау мақсатында Шиелі аудандық станциясындағы Желілік полиция басқармасы ағымдағы жылғы 20-24 ақпан аралығында «Көліктегі қауіпсіздік» ­акциясын өткізді.
Теміржол бойында жыл басынан бері жануарлардың теміржолда жүру ережелерін бұзу салдарынан пойыздардың 148 жедел тежеу фактілері орын алған. Сонымен қатар жылжымалы құраммен азаматтарды басып кетудің 8 фактісі тіркеліп, оқиға орнынан 4 адам көз жұмған.

Іс-шараны өткізу кезінде басқарма қызметкерлері теміржол торабына жақын орналасқан оқу орындарына барып, іс-шара мақсатына сәйкес кәмелетке толмағандардың заңды өкілдерінің еріп-жүруінсіз тұрғынжайдан тыс жерде сағат 23:00-ден таңғы 06:00-ге дейін түнгі уақытта жүру фактілері, теміржол көлігіне қатысты жасөспірімдер вандализмі фактілері, оқушылардың теміржолдан белгіленбеген жерден өту фактілері бойынша заңдылықты түсіндіру жұмыстарын жүргізді.

Сондай-ақ акция аясында теміржол объектілеріне жақын орналасқан елді мекен тұрғындарымен кездесулер өткізілді.