өртке қарсы жаттығу
Өткен аптада Байтұрсынов көшесі №26 мекен-жайда орналасқан «Әбдіманап базары» ЖШС жоспардан тыс күндізгі мезгілде өрт-тактикалық жаттығуы өткізілді. Жаттығу барысында 40 шаршы метр болатын «Олжас» дүкені шартты түрде өртенді. Өрт-тактикалық жаттығуында Шиелі аудандық төтенше жағдайлар бөлімінен 1 техника 2 қызметкер қатысса, жергілікті полиция бөлімшесінен 2 техника 5 қызметкер келіп, Байтұрсынов көшесінің бойын жауып, көліктердің кедергі жасамауына, оқиға орнына адамдардың жақындауына және ішке кірмеуін қадағалап тұрды.
Шиелі аудандық жедел жәрдем бөлімшесінен 1 техникамен 3 қызметкер келіп, оқиға орнынан шыққан зардап шегушіге алғашқы дәрігерлік көмек көрсетті.
Шараға «Әбдіманап базары» ЖШС 4 қызметкері қатыстырылды.
