Жуырда Шиелі аудандық ішкі саясат бөлімінің ұйымдастыруымен ұлттық құндылықтарды насихаттау, жастарды патриотизмге тәрбиелеу мақсатында салт-дәстүрді зерттеуші, «Салт пен Сана» кітабының авторы Сәкен Алдашбаевпен кездесу кеші өтті. Оған «Дінтану» пәні мұғалімдері, мектеп кітапханашылары, Шиелі индустриалды-аграрлық колледж студенттері қатысты.
Кездесу барысында журналист Сәкен Алдашбаев жиналған қауымға таңсық яки түп төркінін біле бермейтін қазақтың салт-дәстүрі, әдет-ғұрпы, наным мен сенімі жайлы өз ойын ортаға салды. Сонымен қатар кездесуге келген қонақтар еркін форматта пікір аламасты.

Жиын соңында аудандық ішкі саясат бөлімінің басшысы Ж.Баймұратова С.Алдашбаевқа алғысын білдіре отырып, сый-сияпат табыстады.