ЖАС КӘСІПКЕРЛЕР ЕЛБАСЫ ЖОЛДАУЫН ҚОЛДАЙДЫ...

Бүгін «Нұр Отан» партиясы Шиелі аудандық филиалының мәжіліс залында «Нұр Отан» партиясы Шиелі аудандық филиалының қолдауымен "Шиелі аудандық ішкі саясат бөлімінің "Жастар ресурстық орталығы" КММ-нің ұйымдастыруымен Елбасының «Төртінші өнеркәсіптік революция жағдайындағы дамудың жаңа мүмкіндіктері» атты жолдауын насихаттау мақсатында аудан жас кәсіпкерлермен кездесу өтті.
Жиынға «Нұр Отан» партиясы Шиелі аудандық филиалы төрағасының бірінші орынбасары П.Маханбет, "Шиелі аудандық ішкі саясат бөлімінің "Жастар ресурстық орталығы" КММ-нің басшысы А. Маманова, «Атамекен» ұлттық кәсіпкерлер палатасы Шиелі аудандық филиалының директорының орынбасары Е. Құлшықбаев, халықты жұмыспен қамту орталығының мамандары және жас кәсіпкерлер қатысты.
Жиын барысында Елбасы Нұрсұлтан Әбішұлы Назарбаевтың халыққа кезекті Жолдауын насихаттап, жолдауда алға қойылған міндеттер жайында айтылды. Сондай-ақ жиын барысында жас кәсіпкерлер жолдауға деген жақсы көзқарастарын білдіріп, өз пікірлері мен ұсыныстарын айтты.