Педагогикалық сөздікте «құндылық – адамның ішкі құқығы, ізгілігі, адамдармен қарым-қатынасы, іс-әрекет кезіндегі көрсетілетін тұрақтылығы, қайырымдылығы, мейірімділік тәрбиесі», – делінген. Сондықтан «құндылық» ұғымы адамды тәрбиелеу үшін оның өмір сүруіне ең керекті, маңызды, қажетті, бағалы дүниелердің жиынтығын құрайды.

№45 «Ақ Орда» мектеп-гимназия білім алушылары және ата-аналарының қатысуымен «Жалпы адамзаттық құндылықтар – отбасы тәрбиесінің негізі» тақырыбындағы ашық есік күніне негізделген іс-шара жоспары аясында «Жалпыадамзаттық құндылықтар – оқушылар көзімен» тақырыбында көрме ұйымдастырылды. Шығармашыл білім алушылар көрмеге белсене қатысып, өз туындыларын ерекше ұсынды. Үздік шығармаларын ұсынған оқушылар марапатталды.