Өскен өңір Шиелi аудандық қоғамдық-саяси газет
» » Алматы және Қызылорда облыстарынан елордаға 850 тоннадан астам өнім әкелінеді

Алматы және Қызылорда облыстарынан елордаға 850 тоннадан астам өнім әкелінеді

Нұр-Сұлтан, BAQ.KZ. 11-12 қыркүйекте Нұр-Сұлтандағы «Хан Шатыр» сауда орталығының жанында Алматы және Қызылорда облыстары тауар өндірушілерінің қатысуымен ауыл шаруашылығы жәрмеңкесі өтеді, деп хабарлады елорда әкімдігінің ресми сайты.

Жәрмеңке әдеттегідей сенбі және жексенбі күндері сағат 8:00-ден 17:00-ге дейін өтеді.
Бұл өңірлер 850 тоннадан астам өнім әкеледі. Ет, сүт, бакалея, балық, көкөніс өнімдерінен тұратын ассортимент нарық құнынан арзан бағада сатылады.
Алматы облысының атынан Талдықорған, Қапшағай, Текелі қалаларының, сондай-ақ 17 ауданының тауар өндірушілері қатысады. Олар 54,1 тонна ет өнімін, 26 тонна сүт өнімін, 103,6 тонна көкөніс өнімін, 3,8 тонна балық өнімін, 45,3 тонна жеміс-жидек, 39 тонна картоп және 237,5 тонна өзге де өнім (кондитерлік өнімдер, консервілер және т.б.) сатады.
Қызылорда облысының ауыл шаруашылығы тауар өндірушілері 140 тонна күріш, 20 тонна балық және балық өнімдерін, сондай-ақ 150 тонна бақша дақылдарын, 40 тонна асқабақ, 40 тонна көкөніс пен жеміс, 3 тонна ас тұзы, 5 тонна сүт және кондитерлік өнімдер сатады.
Естеріңізге сала кетейік, жәрмеңкеге барған кезде санитарлық нормалар толықтай сақталуы қажет – бетперде тағу, қолды дезинфекциялау, әлеуметтік қашықтық туралы ұмытпау керек.  ​https://baq.kz​​​
09 қыркүйек 2021 ж. 19 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам