Бүгін Қызылорда қаласы Астана даңғылының бойында Ұлыстың Ұлы күні Наурыз мейрамы қарсаңында Қызылорда қаласы мен облыстың барлық ауданының шаруа қауымы ұсынған дәстүрлі ауылшаруашылық жәрмеңкесі өтті.

Бүгінгі жәрмеңкеге Қызылорда қаласының тауар өндірушілері 40 автокөлікпен жалпы 19,2 млн. теңге болатын 76,6 тонна азық-түлік тауарларын ұсынды.

Оның ішінде, тұтынушыларға 15 тонна картоп, 2,5 тоннадан аса ет өнімдері, 2,7 тонна балық, 12,5 тонна ақ күріш, мың дана жұмыртқа, 410 кг ағарған өнімдері және басқа да өнімдер қала тұрғындарына базар нарығынан 15-20 пайыз арзан бағамен сатылды.