Жастар жүздескен күн
Қазақстан Республикасының Президенті Н.Ә.Назарбаевтың халыққа Жолдауынан туындайтын тапсырмаларына сәйкес бәсекеге қабілетті жастардың қалыптасуына қолдау көрсету, өмірге қажетті дағдыларды меңгеру, жаппай кәсіпкерлікті қолдау және құқықбұзушылықтың алдын алу бағытындағы шараларды ұйымдастыру мақсатында облыстық «Жастар ресурстық орталығы» КММ-нің мамандары Шиелі ауданында болып, бірқатар кездесулер ұйымдастырылды. «Жұмыс іздеудегі негізгі қағидалар» тақырыбында семинар өткізіліп, жастар арасында құқықбұзушылықтың және кәмелетке толмағандардың беймезгіл уақытта жүруінің алдын алу мақсатында құқық қорғау және білім саласының мамандарының қатысуымен қоғамдық рейдке шықты. Арнайы мамандармен «Арзан» сауда орталығының алдында қоғамдық қабылдау өткізіліп, жастар арасында ұлттық спорт түрлерінен сайыстар ұйымдастырылды.
