М.Шоқай атындағы орталық алаңда Ұлыстың Ұлы күні - әз Наурыз мерекесі аясында "ЖАСТАР КҮНІ" шарасы ұйымдастырылды. Шараны аудандық "Жастар ресурстық орталығы" КММ-нің директоры А. Маманова барша қауымды жастарды мерекемен құттықтап, ашып берді. Әрі қарай ән айтылып, 100 ерікті жастан құралған жастар қазақтың "Қара жорға" биімен бастап флеш-моб биледі. Қазақтың ұлттық ойындары арқан тартыс, гір тасын көтеру, ләңгі тебу, бауырсақ патиден жастар арасында сайыстар ұйымдастырылып, сайыс жеңімпаздары алғыс хаттармен марапатталды. Сонымен қатар, домбыра думан және интеллектуалды сайыстар өткізілді. Шара соңы алты бақан тебіліп, концерттік бағдарламаға ұласты. Шараға келген жастар бір-бірін мерекемен құттықтап, шат-шадыман көңіл күймен тарқасты.

Жастар Ресурстық Орталығы Шиелі фейсбук парақшасынан.