Бүгін «Арзан» сауда орталығының алдында аудандық ішкі саясат бөлімінің «Жастар ресурстық орталығы» КММ-нің ұйымдастыруымен сала мамандарын тарта отырып, аудан тұрғындарына оның ішінде жастар арасында мемлекеттік бағдарламалар мен жобаларды түсіндіру жөнінде кеңес беру шарасы өткізілді.
Кеңес беру барысында мемлекеттік бағдарламалар мен жобаларды, «Нәтижелі жұмыспен қамту және жаппай кәсіпкерлікті дамыту бағдарламасы», жастар тәжірибесі, қайта даярлау курстары, «Мәңгілік ел жастары индустрияға «Серпін-2050»» жобасы, «Дипломмен ауылға» жобасы, жастар кәсіпкерлігін дамыту және жаңадан кәсіпкерлік ашу жолдары т.б. кеңестер берілді. Аталған шара алдағы уақытта жалғасын табатын болады.