БАҚ өкілдері жасыл алаңда бас қосты

29 маусым күні «Демеу» спорт кешенінде “Бұқаралық ақпарат құралдары» күніне орай, ішкі саясат бөлімінің ұйымдастыруымен, «Өскен өңір» газетінде ұзақ жылдар редакторлық қызмет атқарған белгілі журналист Зәкім Жайлыбаевты еске алуға арналған аудандық турнир өтті. Оған спорт бөлімінің қызметкерлері, «Ішкі саясат бөлімі» мен «Жастар ресурстық орталығы» қызметкерлерінен құрылған құрама команда және «Өскен өңір» редакциясы ұжымынан жинақталған команда қатысты.
Турнир қорытындысы бойынша спорт бөлімінің қызметкерлері жеңіске жетті. Ал, «Өскен өңір» газетінің тілшісі Шапағат Тілеубай «үздік ойыншы» номинациясын иеленді. Осылайша сала мамандары салауатты өмір салтын ұмытпай, турнир арқылы З.Жайлыбаевты еске алды.