11 қазан күні «Демеу» спорт мектебінде Шиелі аудандық ішкі саясат бөлімінің «Жастар ресурстық орталығы» КММ-сі және "Береке Жастар" қоғамдық бірлестігінің ұйымдастыруымен "Спорт менің таңдауым" тақырыбында жұмыссыз өзін-өзі жұмыспен қамтыған жастар арасында кіші футболдан аудандық турнир өтті. Салауатты өмір салтын ұстанған жастар екі топқа бөлініп бақ сынады. Турнир қортындысы бойынша жүлделі І орынды "Еңбекші" ауылының командасы жеңіп алды. Финалда сүрінген Орталық мешіттің "Жамағат" командасы ІІ-орын иеленсе, үздік үштікті "Жайлыбаев" командасының футболшылары түйіндеді. Үздік ойын өрнегін көрсеткені үшін "Шанхай жастары", "1 С есепшілері", "Ақмая жастары" алғыс хаттармен марапатталды. Жарыс жеңімпаздарына ұйымдастырушылар тарапынан кубок, дипломдар мен сыйлықтар табыс етілді.