Кеше Шиелі аудандық ішкі саясат бөлімінің «Жастар ресурстық орталығы» КММ-нің және «Береке жастар» қоғамдық бірлестігінің ұйымдастырумен жұмыссыз және өзін-өзі жұмыспен қамтыған жастар арасында салауатты өмір салтын қалыптастыру, жастардың бос уақытын тиімді өткізу мақсатында «Welcome to sport» атты волейболдан жарыс өтті. Жарысқа 6 команда қатысып бақ сынады. Тартысты өткен ойында жүлделі 1 орынды Телікөл ауылының жастары иеленді. 2 орын Бестам ауылына бұйырса, үздік үштікті Шиелі кентінің спортшылары түйіндеді. Жарыс жеңімпаздарына ұйымдастырушылар тарапынан ақшалай сыйлықтар мен кубок табыс етілді.

Жастар Ресурстық Орталығы Шиелі  ФБ парақшасынан.