МАҚСАТЫМЫЗ – ЖЕМҚОРЛЫҚСЫЗ ҚОҒАМ ҚҰРУ

Елбасы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына арналған Жолдауында көзделген негізгі он міндеттің бірі – жемқорлықпен күрес және заңның үстемдігі деп аталды. Қоғамның басты дертіне айналып отырған жемпқорлықпен күрес қашан да бірінші кезектен түспейтіні анық. Бұл жолда республика деңгейінде атқарылып жатқан шаралар да көз алдымызда. Елбасы Жолдауында айтылғандай соңғы үш жылдың өзінде жемқорлық үшін 2,5 мыңнан астам адам сотты болды. Бұл дәреже көретін көрсеткіш емес. Жемқорлықтың алдын алу баршамызға  ортақ міндет деп білу халық санасын орын алуы керек.
Сыйақы алып сыйынан айырылған, адал еңбекпен тапқан несібесіне қанағаты болмағандар қамалып та жатыр. Және бұл сабақ болмай үдей түсуде. Қай істі де өзімізден бастасақ күтілетін нәтиже де зор. Жұдырық болып жұмыла атқарар басты мақсатымыздың бірі – жемқорлықсыз қоғам құру болмақ.
Зауыржан АЛПАМЫШЕВ.
«Бестам ауылдық округі әкімі аппаратының»
 бас маман-заң қызметкері