Шарада ҚМДБ төрағасы, Бас мүфти Наурызбай қажы Тағанұлы имам қызметіне қатысты берген сұхбатында атап өткендей, заман талабына сай ғылым-білімді жетік меңгерген білікті кадрларды жасақтау арқылы жат ағым жетегінде кетудің алдын алу жұмыстарын қарқынды жүргізу мәселесі көтерілді. Семинар-тренингке аймақ журналистері, журналистер пулі, теолог мамандар, АТТ мүшелері, мешіт имамдары қатысты. Арнайы шақырылған қонақтар Нұр-Мүбарак Египет ислам мәдениеті университетінің Академиялық мәселелер жөніндегі департамент директоры, философия ғылымдарының кандидаты Жалғас Садуахасұлы «БАҚ өкілінің діни сауатты болуы – заман талабы» тақырыбында, «Kazislam» ақпараттық-ағартушылық интернет порталының бас редакторы, философия ғылымдарының магис­транты Саясат Идеятұлы «Дін мәселелері тақырыбында БАҚ-та ақпарат жариялау этиксы» тақырыбында баяндама жасады. Сондай-ақ ҚМДБ-ның Сыр өңірі бойынша бас имамы ­Болатбек Ұласқанұлы, облыстық «Дін мәселелерін зерттеу орталығы» КММ-нің директоры Бақытжан Жарылқасынұлы дұрыс ақпарат таратуда медиа контент пен әлеуметтік желілердің атқарар рөлі жайында қаузады. Шара соңында өзара пікір алмасу арқылы ұсыныстар тыңдалды.

«Өскен өңір» ақпарат