Колледждегі қыздар жиналысы
Өткен бейсенбіде Шиелі индустриалды-аграрлық колледжінде қыздар жиналысы өтті. Жиынның негізгі мақсаты – әйелдер арасындағы зорлықтың алдын-алу және бойжеткендердің санасына сауатты ақпарат жеткізу.
Шара барысында колледж директорының оқу-тәрбие жұмыстары жөніндегі орынбасары Б.Дайрақұлов ұялы телефонның зияны туралы айтты. Ал аудандық полиция бөлімі ЮПТ-ның аға инспекторы, полиция майоры А.Мадиев қыздар арасындағы қылмыс туралы баяндады. Әйелдерді зорлық-зомбылықтан қорғау бөлімінің инспекторы, полиция аға лейтенанты Ф.Досболова және аудандық емхананың акушер-гинеколог маманы А.Нұржауова қыз-келіншектер өмірінде кездесетін зорлық-зомбылықтың алдын-алу шаралары жөнінде айтты. Сондай-ақ қыздарға дәрігерлік кеңес беріліп, колледж арулары көкейдегі сұрақтарына мардымды жауап алды.
«Өскен өңір» ақпарат
