Өскен өңір Osken-onir.kz ақпараттық агенттігі
» » Сыбайлас жемқорлыққа жол жоқ

Сыбайлас жемқорлыққа жол жоқ

Сыбайлас жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Бұл кесел дамушы елдердегідей біздің жас мемлекетімізге де орасан зор нұқсан келтіріп отыр.«Сыбайлас жемқорлыққа қарсы күрес туралы» Заң талабының аясында жемқорлыққа қарсы іс-әрекеттер әр салада жүзеге асырылуда. Әсіресе, халық парақорлық дертімен жиі бетпе-бет келеді. Сондықтан кез келген ортада пара беру мен пара алудың жолын кесуде қоғам болып белсенділік танытуымыз қажет.Мемлекеттік қызметшілердің сыбайлас жемқорлық қылмыстар және осы тұрғыдағы құқық бұзушылықтарға бой алдыруының себебі көп. Оған ең алдымен қызметшілердің білім деңгейінің, әдептілік ұстанымының төмен болуы әсер ететін болса керек. Кей мемлекеттік қызметшілердің құқық бұзушылыққа немқұрайлылық танытуы, кәсіби әдептілігінің жетіспеуі де, жеке басының қамын ойлауы да парақорлықтың дендеуіне әсерін тигізуде.
Сыбайлас жемқорлық әрекеттері бойынша тиісті шара қолданудың негізі – азаматтардың арыз-шағымы. Мемлекетіміздің әрбір азаматы Қазақстан Республикасының Конституциясын және заңдарын сақтауға, басқа адамдардың құқығын, бостандығын, абыройы мен қадір-қасиетін құрметтеуге міндетті.
Сыбайлас жемқорлық көріністерін болдырмау мақсатында Шиелі кенті, Бөгенбай батыр көшесі №21 мекен жайында орналасқан ҚР АШМ Ветеринариялық бақылау және қадағалау комитетінің Шиелі аудандық аумақтық инспекциясында азаматтардың ұсыныс пікірлерін жинақтау жәшігі орнатылған.Шиелі аудандық аумақтық инспекция­сында жеке және заңды тұлғаларды қабылдау тақтасы ілініп, дүйсенбі және бейсенбі күндері сағат 16:00-ден 18:00-ге дейін қабылдау жүргізіліп келеді.

Б.Дауренбеков,
ҚР АШМ Ветеринариялық бақылау және
қадағалау комитетінің Шиелі аудандық
аумақтық инспекция басшысы
24 тамыз 2019 ж. 1 428 0