Kyzylorda-news.kz. ҚР ІІМ-нің бастамасымен Қызылорда облысы аумағында 17-23 маусым аралығында "Шартты түрде" республикалық профилактикалық іс-шарасы жүргізілуде. Бұл туралы қалалық пробация қызметі хабарлады.
Шараның басты мақсаты - пробация қызметінің есебінде тұрған қоғамнан оқшаулауға байланысты емес жазаларға сотталғандар тарапынан жасалатын құқық бұзушылықтардың және қылмыстың алдын алу.
Профилактикалық шараға Пробация қызметінің қызметкерлері мен учаскелік полиция инспекторлары және ішкі істер органдарының басқа да құзырлы қызмет салалары жұмылдырылды.
Шара барысында пробация қызметінің инспекторлары шартты түрде мерзімінен бұрын босатылған азаматтар мен бас бостандығынан айырумен байланысты емес жазаға тартылғандарды мекенжайлары бойынша тексеріп, олармен түсіндірме жұмыстарын жүргізуде.
Шара ағымдағы жылдың 23 маусымына дейін жалғасады.