2017 жылы республикалық бюджеттен мүгедек баларды тәрбиелеп отырған қазақстандықтарға 24,4 млрд теңге төленді. Бұл туралы Еңбек және халықты әлеуметтік қорғау министрлігінің баспасөз қызметі хабарлады.

Жедел ақпарат бойынша, мүгедек балалар тәрбиелеп отырған азаматтарға берілетін жәрдемақыға 2017 жылы республикалық бюджеттен  24,4 млрд. теңге бөлінді.
Өткен жылы жәрдемақының орташа мөлшері 25 682 теңге болды. Мұндай жәрдемақы 77,3 мың адамға төленді.
2018 жылы мүгедек балаларды тәрбиелеп отырған азаматтарға 29 699 теңге немесе өткен жылғы көрсеткіштен 15,6 пайызға артық мөлшерде берілетін жәрдемақылар үшін республикалық бюджеттен 29,9 млрд теңге қарастырылған.
Еркін ҚАЛДАН