Жуырда Қызылорда облысы бойынша тексеру комиссиясының мүшесі Р.Мұсабековтың төрағалығымен «Шиелі ауданының жергілікті бюджеттен қаржыландырылатын, мемлекеттік мекемелер мен ұйымдарына бөлінген бюджет қаражатының және мемлекет активтерінің пайдалануына мемлекеттік аудит» аудиторлық қорытындысы бойынша дөңгелек үстел өткізілді.

Дөңгелек үстелге тексеру комиссиясының бөлім басшылары Ақмарал Исабекова, Жандос Абсат, аудан әкімінің орынбасары Айтбай Жандарбеков, аудан әкімдігінің дербес бөлімдері, ауылдық округ әкімдері мен есепшілері қатысты.

Сондай-ақ, тексеру комиссиясының қызметкерлері заң бұзушылықтарға жол бермеу керектігін, алдын алу шараларын жүргізу қажеттігін түсіндірді. Дөңгелек үстел соңында қатысушылар өздерін толғандырып жүрген сұрақтарын қойып, тұшымды жауаптарын алды.