Кәсіподақтар феде­ра­циясы Қазақстан бойынша қоғам­дық-саяси маңызы бар кешенді іс-ша­раларды өткізуде. Соның бірі – Елбасының «Президенттің бес әлеу­меттік бастамасы» Үндеуін түсін­діруге арналған «Еңбек нарығы: жаһандық үрдістер, мәселелер мен мүмкіндіктер» атты ғылыми-тәжіри­белік конференция. Конференцияда белгілі экономистер, сарапшылар мен қоғамдық пікірдің көшбасшылары қатысып, сөз сөйледі.
Кәсіподақ федерациясының төрағасы Бақытжан Әбдірайым Қазақстан кәсіподақтары еліміздің экономикасына азаматтарымыздың, шағын және орта бизнестің қосатын үлестерін ұлғайтуына, тұрғындардың тиімді жұмыспен қамтамасыз етілуін арттыруға мүмкіндік беретін Президент Нұрсұлтан Назарбаевтың «Бес әлеуметтік бастамасынан» үлкен үміт күтетіндігін атап өтті.
– «7 – 20 – 25» бойынша ипоте­каға қатысты бірінші бастама құры­лыс, өнеркәсіп және логистика на­рық­тарын жандандырумен қатар қор және банк секторларына зор әсер береді. Сонымен қатар жұмыс­сыздықты қысқарта түседі. Айта кетерлігі, «7 – 20 – 25» формуласы елімізде алғаш рет қолданылуда және ондаған мың отбасының пәтерлі болуына мүмкіндік береді. Сондай-ақ салық жүктемесін тө­мендету жөніндегі екінші бастама аясында 2019 жылдың 1 қаңтарынан шамамен 2 миллион адамға жүктеме 10 есе төмендейді.
Келесі бастама – біздің бола­ша­ғы­мызға қатысты. 54 мың грант­тың үстіне тағы да 20 мың грант­тың бөлінуі тек қана 20 мың жастың тағдырына қатысты емес. Нақты деректер келтірсем, Қазақстанда жұмыссыз саналатын адамдардың басым көпшілігінің жоғары білімі жоқ. Яғни, жоғары білімі жоқтар арасындағы жұмыс­сыздық коэффициенті жоғары білімділерге қарағанда жоғары. Демек, жастарымыз жоғары оқу орындарын бітіргеннен кейін жұмыс орнын табуға кепілдік алады, – деді федерация төрағасы.
Бақытжан Әбдірайым шағын несие беру көлемін арттыру ауыл тұрғындарына өз ісін ашуға үлкен көмек екенін ескертті. Бұдан бөлек федерация төрағасы газ құбырын тартудың экологиялық тұрғыдан тиімді екенін тілге тиек етті.
Қолданбалы экономиканы зерт­теу орталығының ғылыми же­тек­шісі Жақсыбек Күлекеев ең­бек нарығының мәселелері мен ең­бек ету қабілетінің сапасын арт­тыру туралы айтты. «Талап» қолдан­балы зерттеу орталығының дирек­торы Рахым Ошақбаев еңбек нары­ғының өзекті мәселелерін талдау нәтижелерін көрсетті.
Серік ЖОЛДАСБАЙ