Шиелі ауданындағы тауарлы азық-түлік қауіпсіздігін қамтамасыз етеді

Қызылорда облысының Шиелі ауданында 1200 басқа арналған тауарлы сүт фермасы салынып жатыр. Аумағы 20 гектарды құрайтын алып кешеннің жанынан сүт өңдеу зауытын ашу жоспарланып отыр. Кәсіпорын іске қосылғаннан кейін тәулігіне 24 тонна дайын өнім шығаруы тиіс. Жобаның жалпы құны 2 жарым миллард теңге. Оны іске асыру арқылы қосымша жұмыс орындары құрылады және өңірдің азық-түлік қауіпсіздігін қамтамасыз етуге мүмкіндік береді екен. Әшім Оразбекұлы, Шиелі ауданының әкімі: - Өздеріңіз білесіздер Елбасының алдағы 5 жылдың көлемінде біздің ауылшаруашылығында еңбек өнімділігін 2,5 есе арттыру жөнінде тапсырмасына сәйкес қайта өңдеуге үлкен бетбұрыстар жасалып жатыр. Шиелі ауданында қазір 3 шағын сүт өңдеу цехтары жұмыс істейді. Қазір сүт өнімдерін өңдеп жатырмыз. Бұл әрі қарай жалғасын табатын болады.