Жарықсыз қалған Венесуэланың көптеген аудандары 5 күн қатарымен ауыз сусыз отыр. Тіршілік көзінен ажыратылған Каракас тұрғындары өңірдегі бұлақтардан су алып жатыр. Алайда халық кез келген жердің суы ішуге жарай бермейді – деп күрсінеді. Соған қарамастан елдегі су көздерінің бәрінде  ұзын сонар кезек түзілді. Тіпті жарықсыз отырған Венесуэла тұрғындарының  ғана емес, өзге елден келген туристердің де жағдайы мәз емес. Кейбір қонақүйлерде электр генераторларға арналған дизельді отын да таусылды. Салдарынан суды белгілі уақытта ғана жеткізетін болды. Су тапшылығы дәрі-дәрмек пен медициналық құрал жабдықтар жетіспейтін жергілікті ауруханалардың  жағдайын қиындата түсірді. Мамандар бұл ахуал басқа да мәселелердің тууына себеп болуы мүмкін деп дабыл қағып отыр.

www.24.kz