Марс бүгін Жерге соңғы 15 жылдағы ең жақын қашықтыққа келеді. NASA таратқан ақпаратқа сай, бүгін Марс әдеттегіден 10 есе үлкен, Юпитерден 1,8 есе жарық көрінеді.
Жер мен Марс арасы бұл түнде 57,6 миллион км-ге дейін азаяды. Әдетте аталған қашықтық 80,8 миллион км.
Жердің жартысындай үлкендіктегі Марс аспанда нүктедей-ақ көрінетін. Бүгін оны жалаң көзбен көруге мүмкіндік туып отыр. Әуесқой телескоптармен Марстың бедерін, мұз қалдықтарын да көруге болады. Алайда NASA Марс бетіндегі үлкен құм дауылдар бұған кедергі болуы мүмкін екенін де ескертеді. Бұл түнде Марсты көргісі келетіндерге NASA бірнеше кеңес береді:
Күн бата сала оңтүстік батыс көкжиектен Марс көрінеді. Күн батқан соң бірнеше сағаттан кейін Марс анығырақ көрінеді.
Марс Жерге қаншалықты жақын болса да бұл түнде ең жарық планета бәрібір Венера болады.  Дегенмен Марстың өзіндік қызыл сәулесін көп уақыттан бері алғаш рет анық көре аласыз.
«Қамшы» сілтейді