Македония Республикасы төңірегіндегі даудың шешімі табылды. Енді мемлекет "Солтүстік Македония Республикасы" деп аталатын болады. Бұл туралы ел премьер-министрі Зоран Заев баспасөз мәслихатына берген сұхбатында жариялады. Ол шешімді «тарихи маңызы зор оқиға» деп атап, елдің өркендеуінің кепілі екенін алға тартты. Еуроодақтың дипломатия басшысы Федерико Могерини мен НАТО-ның бас хатшысы Йенс Столтенберг те бастаманы құптап отыр. Могеринидің айтуынша, ресми Скопье мен Афин қол жеткізген келісім оңтүстік-шығыс Еуропаның жандануына септігін тигізеді. Ал Столтенберг болса «жаңа атау аймақтағы бейбітшілік пен тұрақтылықты нығайта түседі» дейді. Айта кетейік, осы атауға байланысты Афин мен Скопье арасындағы дау-дамайдың басталғанына 25 жылдан асты. Грекия елдегі Македония облысымен шатастырмас үшін республика атауын өзгертуді талап етіп келген.

24.kz