Мексикада әуе шарларынан Димаш Құдайбергеннің 4,5 метрлік мүсіні жасалды
Димаш Құдайбергеннің Латын Америкасы елдеріне жоспарланған туры қарсаңында әншінің Мексикадағы жанкүйерлері ерекше мүсін жасады, - деп хабарлайды Massaget.kz тілшісі dimashnews.com-қа сілтеме жасап. Мексикалық Dears қауымдастығының мүшесі, әуе шарларынан көркем мүсіндер жасаумен айналысатын суретші Ольга Лидия Эрнандес шығармашылық тобымен және Dimash & Dears Regias фан клубы қатысушыларымен бірлесіп, биіктігі 4,5 метр болатын мүсін әзірледі.Көркем инсталляция Монтеррей қаласындағы (Нуэво-Леон штаты) ірі сауда орталықтарының бірінде орнатылды. Дәл осы қалада 2026 жылғы 14 қарашада Димаштың DiMENSIONS атты жаңа әлемдік туры аясындағы концерті өтеді.
