Димаш Құдайбергеннің Kieli mekеn клипі Мексика метросында көрсетіле бастады
27 ақпанда Мексика метросының 576 медиафасадында Димаштың KIELI MEKEN әніне жазылған бейнеклип көрсетіле бастады. Бұл шараны Наурыз мерекесіне орай Димаштың мексикалық жанкүйерлері ұйымдастырды, деп хабарлайды Egemen.kz dimashnews сайтына сілтеме жасап.
Видео 27 ақпан-5 наурыз аралығында сағат сайын көрсетіледі. «Dimash Qudaibergen Méxicoficial» фан-клубы Мехико метросының медиафасадында Димаштың бейнеклиптерін көрсетуді осымен екінші рет ұйымдастырып отыр.
Метро қаланың негізгі көлік құралдарының бірі, сондықтан бейнені 3 миллионға жуық адам көреді.
