Ресей президенті Владимир Путин Кемерово облысының губернаторы Аман Төлеевтің басқару өкілеттілігін тоқтату туралы өтінішін қабыл алып, Жарлыққа қол қойды. Бұл туралы Кремльдің баспасөз қызметі хабарлады.
Біз бұған дейін Аман Төлеевтің өз еркімен қызметтен кету туралы Ресей президентіне өтініш жасағанын хабарлаған болатынбыз. Енді Кемерово облысы губернаторының міндетін атқарушы қызметін Төлеевтің орынбасары Сергей Цивилев жалғастыратын болады.
Кремльдің баспасөз қызметі Кемерово облысының губернаторын сайлау 9 қыркүйек күні өтетінін мәлімдеді.
Еркін ҚАЛДАН