Тәжікстан астанасы Душанбеде әскери шеру өтті. Билік бас алаңға 30 мыңнан астам сарбазын шығарды. Айта кетсек, тәжік елі «Талибан» билік басына келген Ауғанстанмен шектеседі. Екі ел арасындағы шекараның ұзындығы 1344 шақырымды құрайды. Оның біраз бөлігі таулы аймақта жатыр. Бұған дейін Ресей Ауғанстаннан жүздеген босқын Орталық Азия елдеріне ағылып, аймақтағы қауіпсіздікке қатер төндіреді деп ескерткен болатын. * Еске сала кетсек, Талибан ұйымына Қазақстандағы Жоғарғы Соттың 2005 жылғы 15 наурыздағы шешімімен тыйым салынған.

​https://24.kz​​​