BAQ.KZ. Британия азаматы Тревор Уокердің үздіксіз жөтелі ішектегі ісіктен болып шықты. Бұл туралы Daily Mirror жазады.

Шебер болып жұмыс істеген ер адам екі ай бойы жөтелген.

56 жастағы Уокердің отбасы оның кеудесінде инфекция тарады деп ойласа, дәрігерлер ішегінде ісік барын анықтаған. Кейін ол өкпесіне қарай тараған. Дәрігерлер ер адамға үш апта өмір сүретінін айтқан.

Уокер диагнозы қойылғаннан кейін 16 күн өткен соң қайтыс болды.

Уокер әйелімен 24 жыл некеде болған. Ол күйеуінің 30 жыл бұрын темекіні тастағанын, алкогольді өте сирек ішкенін және салауатты өмір салтын ұстанғанын айтты.

Айтуынша, күйеуі тек жөтеліп, әлсіз болған. Одан басқа жаман аурудан қауіпті болатындай белгі болмаған.