Шиелі аудандық мәдениет үйінде желтоқсан айының 25-ші жұлдызында "Думан-Шиелі" оңалту орталығы бүлдіршіндерінің қатысуымен «Армысың, Жаңа жыл!» атты мерекелік шара ұйымдастырылды. Мерекелік шарада мәдениет үйінің қызметкерлері түрлі кейіпкерлерді сомдап, мерекелік кешті одан әрі жандандыра түсті. Сонымен қатар, Аяз ата мен Ақшақардың келуі балаларды одан әрі қуантты. Бүлдіршіндер түрлі өнерлерімен таң қалдырып, жыр-шумақтарын жаудырды. Шара соңында Света Ілиясқызы мекеме ұжымына алғыс айтып, балаларға сыйлықтар табыс етті. Ата-аналар ұжымға алғыс, тілектерін білдіріп, аса қуанышпен тарқасты.