Қазақ халқы тарихында еңбек, мәдениет саласында қайраткер атағын алып, еліне қалтқысыз адал қызмет жасап, есімдері ел есінде мәңгілік қалған әйел азаматтар баршылық. Соның бірі, ауылшаруашылық саласында трактор, комбайн айдап ер азаматқа бергісіз жұмыс жасаған, КСРО Еңбек Ері, Еңбек Қызыл ту Ордендерінің иегері Жадыра Таспамбетова.
Осыған орай "Арман" мәдениет үйінде Еңбек ері Ж. Таспамбетованы еске алу кеші болып өтті. Ерліктің символындай болған Жадыра Таспамбетова жөнінде біршама естеліктер айтылып, ел есінде тарихи тұлғаның аты мен ерлігі қайта жаңғырды.
Ерін ер деп мойындаған елдің елдігі арта түсетіні сөзсіз. Кейінгі ұрпақ жадында Жадыра Таспамбетова секілді елі үшін ерен еңбек атқарған тарихи тұлғалар есімінің ұлықталуы, елдігіміз бен ерлігіміздің айқын дәлелі болса керек.