Елбасы «Ұлы даланың жеті қыры» атты мақаласында Ұлы Даланың ерекше жеті қырын тілге тиек ете отырып, Қазақстанның тарихына терең ой салуды үндеді. Сонымен қатар, атанлған мәселелерді ел-жұрттың рухани игілігіне практикалық тұрғыда айналдыру мақсатында ірі, маңызды жобаларды ұсынып отыр. Ол жобалар «Архив – 2025», «Ұлы Даланың ұлы есімдері», «Түркі әлемінің генезисі», «Ұлы Даланың ежелгі өнер және технологиялар музейі», «Дала фольклоры мен музыкасының мың жылы», «Тарихтың кино өнері мен телевизиядағы көрінісі» деп аталады. Бұларды жүзеге асыру рухани саланың жаңа өрлеу сатысына жетелейтіні анық.
Ұлы Даланың көп ғасырлық рухани және материалдық мұраларын заманауи технологиялар мен жаңа қалыптасып жатқан цифрлық өркениеттің сұранымына сай қайта жаңғырта білу, оны ел жұрттың пайдасына жарата түсу – еліміздің рухани және технологиялық тұрғыдан дамуына жаңа серпін беретіні сөзсіз.
Өркен ИСМАИЛ,
"Қазақстан журналистер одағының" мүшесі