Мемлекет басшысы Нұрсұлтан Назарбаев бүгін жарияланған «Ұлы даланың жеті қыры» мақаласында
мектептер мен барлық өңірлердегі өлкетану музейлерінің жанынан тарихи-археологиялық қозғалыстар құру керек екенін айтып өтті. «Өз тарихына деген мақтаныш сезімін ұялатып, отаншылдық тәрбие беру мектеп қабырғасынан басталуға тиіс. Сондықтан мектептер мен барлық өңірлердегі өлкетану музейлерінің жанынан тарихи-археологиялық қозғалыстар құру маңызды. Ұлт тарихын санаға сіңіру барша қазақстандықтардың бойында өз бастауларына деген ортақтық сезімін қалыптастырады», деп жазады Елбасы мақаласында.
Ұлт көшбасшысы бұдан өзге бірқатар тарихи, ұлттық мәселелерге тоқталып, алдағы атқарылатын міндеттерді нақтылап берді. «Рухани жаңғыру» бағдарламасының жалғасы ретінде жарияланған бүгінгі мақала болашақта біздің бағдаршамымызға айналады. 

Өсербек ТӨРЕБАЙ,
Аудандық тарихи-өлкетану музейінің директоры.